HOBEKI ELKARTEA
Hobeki hondakinen kudeaketa hobetzeko Euskal Herriko toki erakundeen elkartea da. 15 Udalek osatzen dute egun eta proiektuaren hasieratik bidelagun izan gara. Marka irudia sortu genien, baita webgunea ere. Hainbat bideo ekoiztu ditugu haientzako eta azken urteetan, streaming zerbitzua ere eskaintzen diegu urtero antolatzen dituzten jardunaldietan, zuzeneko errealizazioarekin jardunaldien aukerak biderkatuz.
Data
2018tik
ZERBITZUA
Diseinu grafikoa, web, ikus-entzunezkoak
MARKA IRUDIA
HOBEKI elkartearen irudia, izenaren lehen hizkiarekin sortu genuen, hizki hau birziklatze sinbolo batekin uztartuz.
KOLOREAK
Bi berde tonu aukeratu genituen marka irudia janzteko, PANTONE 378 EC eta PANTONE 382 EC. Berdea naturari egozten zaion kolorea baita, eta birziklapena naturaren babesean garatzen den ekintza baita.
ZERBITZUAK
MARKA IRUDIAren sorreraz gain, HOBEKI ELKARTEAri bestelako zerbitzuak eskaini dizkiogu, hala nola:
- WEBGUNEA
- Elkartearen webgunea sortu dugu. Bertan, herri desberdinek aurrera daramatzaten jasangarritasun programa desberdinen berri emateaz gain, izen-emate bidezko online formazio ikastaroak ere eskaini ditugu.
- IKUS-ENTZUNEZKOAK
- Hainbat bideo sortu ditugu elkartearentzat, hala nola, dekalogoaren aurkezpen bideoak.
- STREAMING ZERBITZUAK
- Elkarteak urtero antolatzen dituen topaketetan STREAMING zerbitzua eskaini ohi diegu. Honen bidez, eta ZUZENEKO ERREALIZAZIOArekin, herrialde desberdinetan eta herri desberdinetan dauden pertsonen arteko topaketa digital zein ffisikoa elikatu ahal izan dugu.
- DISEINU GRAFIKOA
- Elkartearen beharren araberako euskarri fisiko zein digital desberdinak sortu ditugu.
